 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Не цярплю вандалізму,
Разбою,
Разгулу злабы.
Не прымаю насільля
Над духам, над сэрцам, над нэрвамі...
А на вуліцы – вынікі гвалту,
Пагрому сьляды.
А ў судах – абвяшчаюць прысуды:
Ці штрафы, ці тэрміны.
А прычын не шукаюць.
Ня хочуць прычын зразумець.
Хоць крычала жанчына –
З крывёю на твары ня выцертай:
"Я гатова пайсьці –
І на бунт, і ў турму, і на сьмерць,
Бо такога жыцьця
Больш цярпець не магу
І ня выцерплю!"
Вось – прычына.
Пасадзіце тысячу. Нават і пяць.
Ну і што?
Ну а дзесяць мільёнаў –
Куды вы іх дзенеце?
Я магу вам, панове,
Параду някепскую даць:
Пасадзіце ў жыцьцё іх,
Дзе праца сумленная цэніцца.
Дайце права самім ім
Тварыць дабрабыт для сябе!
Перастаньце іх тузаць бясконца
Камандамі грознымі.
Толькі з клопату ўсёй грамады –
На вялікай сяўбе –
Хлеб узыдзе
Для цела й душы
Пад нябёсамі роднымі.
1999, кастрычнік.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
